شعر عن الغربة

شعر على الغربة



هلي

تعبني الوكت و اهنا اريد ارتاح مهموم بغربتي و ما شفت راحه

طير و ريحي ضدي و الزمن رماي بس كلي شيطيره الكسرو اجناحه

غركت بحر مظلم ياهو للغركان من نزعت الموت يريد سباحه سنين

انه بغربتي و النتيجه هموم و عاني الفرح عني و عمري ما لاحه

عاركني الوكت مخسرت عركت موت و لا واحد وكفلي و طلع اسلاحه

هلي بالغربه تجفي و لا محنه هناك و لا صوت العتاب يأثر اصياحه نحصد

بالهموم و ناكل المحصود خلص بينه العمر بس تعب الفلاحه يهلنه مضيعين

و طحنه بين اجناب يهلنه اخلافكم حسينه بالذمه تهنه وي الحزن و الدرب

حيل طويل و بس القاسي كلبه هناك يذبه هلي و بلكت مثلكم نلكه ناس

هناك لا جذاب كلمن يلكه مثل اهله و انه هسه بكلب بي جويت الفركه هلي

لا مثلكم ابد ما الكه خلوني ابوس اترابكم و ابجي اعله عمري الفات احس من

الفراك الروح محتركه و خلوني اشم طيبتكم وي الريح و اتنفس هواكم روحي مختنكه

هلي و يا طيفكم باقي وي رمش العين مزروع وي روحي و بالكلب عركه و يا ثوب

الصبر كل ساع اخيط بي صبح بخلافكم ياهو اليجي يشكه هلي و نيران تنزل

و العيون ارماد اظن حكه الكلب من يشتعل حكه هلي اتمنيتكم يمي قريبيين

و اشم عطر الوفه هيليه بيكم هلي و الغربه صعبه تهدم الحيل كون اشتم هوه

اليمر عليكم انام وي الحزن و اكعد و انه اويا و اذكر جنت اغفه اعله اديكم

هلي وسادتي بالغربه الهموم و هلي بس رسم امشي بطرك الهدوم

هلي و الفرح ضاع ابيتنه ايام ما ادري الفرح الكاه يا يوم هلي و شلونكم

و شلون بغداد و شلون اصدقائي و عتبت الدار بعده الليل يمكم لمت

احباب و بعده الكمر يمكم باقي خطار بعدهه ذكرياتي و كتبي و اقلامي

و بعد ذيج الرسائل تحوي احلامي هلي و كل ذكره يمكم تاكل وي الروح

و احس كل صغري صاير هسه كدامي غربنه الزمن بين المحطات و لكينه

الدمع واكف ينتظرنه بعدنه اضغار و اكبر منه الهموم و حزن بحزن جبناهه

و كبرنه لا بينه صبر لا نحمل اهموم و على عمر المضى شينفع صبرنه

لا يا زمن ارحم دمعة العين و شوفنه الفرح بأخر عمرنه سجاجين الوكت

بالروح بردن و احس الجسم و كت الصيف بردان انه بردنين رحت و ارد

بردان و اخاف الغربـــــــــــــــــــــــــــــــــــــــــــــ ـــــــــه تاخذ حته اديه



غربه وبعيده المسافه
ولا بعد منكم خبر
غربه والحسبات طالت
تهنه
بدروب السفر
غربه والايام
تجري بلا هواده
وعذبتّنه
ومرمرتنه
وضاع يا حيف
العمر
"""""""""""""""""""""""
"""""""""""""""""""""""""""
غربه والخلان
هم بيهه غرب
امنين ماتلتفت
غربه ابكل كتر
الارض ما هيه
ارضنه
الوضع ماهوه
وضعنه
لا هواهم
لاسماهم
لا ولا حتى
الوفر
""""""""""""""""""""""""""""""
"""""""""""""""""""""""
غربه من انگول
غربه
ابكل حراره
ابكل قساوه
انگولهه
ابحرگة صدر
العرف
ما هوه عرفنه
القيم ما هيه
قيمنه
الوكت مامعروف
صبحه
امن العصر
"""""""""""""""""""""""
"""""""""""""""""""""""""""""""
الديره مو ديره
النحبهه
الناس مو ناس
النودهه
لچن مجبورين
نجرعهه ابصبر
وصرنه مصداق
المثل
لو گال بینه
غصبن اعلى
النوگ
تنحر بالبحر
"""""""""""""""""""""""""""""""""""
""""""""""""""""""""""""""""
وإجت حسبه
ومضت حسبه
باثر حسبه
عفيه هالحسبات
هالبينه
اشكثر
عفيه هالروح
اشكثر عصرات
شافت
مثل سمچه
العدله ما بين
الجمر
""""""""""""""""""""""""""
""""""""""""""""""""""""""""""""""
واحنه كل يوم
اليمر عصرات
عدنه
وضاگ حتى
النفس من كثر
العصر
اوضاگت الدنيه
علينه
ابكل وسعهه
او شوفانه الدهر
نجمات
الظهر
"""""""""""""""""""""""""""""""""
""""""""""""""""""""""""
وصرنه من واقعنه
نهرب
ما نواجه
شحيلة السفان
لو هاج البحر
امنين
نتلگاهه گلي
امنين
ننجي
كلهه ضيج ابضيج
والهم
مستمر
"""""""""""""""""""""""""""
"""""""""""""""""""""""""""""""""""
ولا ابو الينشد
علينه
ولا اخو اليتوّصه
بينه
ضعنه والايام
تسگينه
القهر
وهاي حالتنه
صفينه
مضعنين ابلا
ضعينه
وأبد ما فد يوم
هالحال استقر
"""""""""""""""""""""""""""""""""""
"""""""""""""""""""""""""""
وصرنه نتنگل
بعد بين الطوايف
ملة ملة
وديره ديره
اوشفنه
اشكال البشر
شفنه ناس
بلايه ذمه
اوشفنه ناس
ابلايه رحمه
اوشفنه ناس
ادوس فوگ
الناس
سووهم جسر
"""""""""""""""""""""""""""
"""""""""""""""""""""""""""""""""""""
اوشفنه ناس
إتريد
توصل للنهايه
او مو مهم
اشلون
بالحق بالمكر
اوشفنه
ناس الدين
ماينذكر عدهم
اوشفنه
ناس اهواي
شيمتهه
الغدر
"""""""""""""""""""""""""""""""""""""
""""""""""""""""""""""""""""
وعاد طلّع
راس إنت
وصير شاطر
كون حاذر لو
ردت بيهم
تمر
وبعد سچه
امن البشر
مليانه
غيره
تحسد الوادم
على الواث
التمر
"""""""""""""""""""""""""""""
""""""""""""""""""""""""""""""""""""""""
واكو سچه
امن البشر
ماعدهه نخوه
لاشهامه لا قيم
لادين لا عقل
وفكر
الغربه بيهه
اشكال
الوان المصايب
الغربه
اكبر مدرسه
الشاطر
عبر
"""""""""""""""""""""""""""""""""""""
"""""""""""""""""""""""""""
الغربه ديوان
المجالس
الغربه ميدان
اليجالس
فاز بيهه
اللي أخذ
منهه العبر
الغربه قسوه
الغربه شوگ
وطيب معجون
إبمحنه
الغربه دمعه
وطارت امن
العين
حطّت بالصدر
""""""""""""""""""""""""""""
"""""""""""""""""""""""""""""""""
الغربه لهفه
الغربه شفه
ذابله امن اسنين
ذوبهه السهر
الغربه همسه
الغربه
لمسه
الغربه جنحين
الفراشه
الناغمت
شاطي
النهر
""""""""""""""""""""""""""""""""""""
"""""""""""""""""""""""""""""""
الغربه
آهات السنين
الغربه
شوباش
الحنين
الغربه قطرات
الندى
إبوكت الفجر
الغربه
عتمه
الغربه لچمه
الغربه
چلمات السوالف
لو يداعبهه
السمر
"""""""""""""""""""""""""""""""
"""""""""""""""""""""""""""""""""""""""""
الغربه
آهات وموده
الغربه شوگ
الجازي
حدّه
الغربه
نيران البعد
لو تستعر
الغربه انّه
الغربه
ونّه
بأثر ونّه
الغربه
شوغات النفس
لو تنعصر
"""""""""""""""""""""""""""""""""""""
""""""""""""""""""""""""""""
الغربه
ما تنوصف
صعبه
الغربه ديوان القصايد
الغربه صفحات
الجرايد
الغربه ميزان الشعر
والاهم بالغربه
كلهه
الناس لو لزمت
اصلهه
وما تخّلت عن
مثلهه
الدين
تيجان
الدرر
الدين تيجان
الدرر
"""""""""""""""""""""""""""""


ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــ


ياغريب شلون عايش وهم الك بالغربة بيت ؟
. هم الك ام تنشف ماي عينك لو بجيت ؟
. ياغريب العراق روحك شلون عن اهلك مشيت ؟
. يا غريب الغربة تكتل من اسمه اني بجيت
لسة جنسيتك عراقي تريد اذ*** لو نسيت

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــــــــ
بالغربه شِفتْ التَعب وإتعلّمت معناه وإتعلٌمت عالسهر .. والسكته .
. والصفناه ذليت ذلْ النهر من ينگطع مجراه وإعرفت كل شي إعرفت .
.. حتى النخل ينحني، لريح السفر من يجي و جايب غريب إوياه

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ــــــــــــــــــــــــ

جاي من العراق ........جاي من العراق واروح فدوه لكل ذره من تراب العراق ...
...جاي من العراق امحمل احزان جاي ودمعتي في طارف العين ..
.. مدري ابجي على بلدي وناسي مدري ابجي عليكم يل بعيدين

ــــــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــــ
:&&&: :&&&:

على راسي عبد المنعم وعبود